ՀԱՄԱՅՆՔԱՅԻՆ ՀԱՆԴԻՊՈՒՄ

Հինգշաբթի` 18 Մայիս 2023-ին, Ռուհր Շրջանի Հայ Համայնքի նորակազմ երիտասարդաց յանձնախումբը կազմակերպած էր հաւաքոյթ` Համբարձման տօնի առթիւ։

Հավաքոյթին ներկայ էին համայնքի անդամները իրենց ընտանիքներով, ովքեր շատ հաճելի անակնկալներով լեցուն օր մը անցուցին։

Երիտասարդները պատրաստած էին շատ կոկիկ յայտագիր, յիշելով տօնի առթիւ եկեղեցական, ժողովրդկան և ազգային մեր բոլոր սովորութիւնները։ Միասնական սիրո ճաշը սկսուեց աղօթքով` որմէ ետք հայկական խորոված հրամցուեցաւ ներկաներուն։ Ճաշէն ետք ներկաները առաջնորդուեցան եկեղեցւոյ շրջաբակ և յայտագիրը շարունակուեցաւ հայրերու և մայրերու զոյգ տոները շնորհաւորելով։

Ամենէ տարեց հայրիկն ու մայրիկը յուշանուերներ ստացան, օրուայ բախտավոր ընտրուեցավ և ազգային երգերով և պարերով շատ հաճելի ժամեր վայելեցինք միասին։ Օրուայ աւարտին ներկաներուն հրամցուեցաւ նաեւ համեղ քաղցրավենիքներով բաց սեղան։

Այս առիթով կուզենք մեր երախտագիտութիւնը հայտնել մեր սիրելի երիտասարդներուն, նորանոր յաջողութիւններ մաղթելով` վստահեցնելով, որ մենք միշտ իրենց կողքին պիտի ըլլանք` օժանդակելով և քաջալերելով։

ՌՈՒՀՐ ՇՐՋԱՆԻ ՀԱՅ ՀԱՄԱՅՆՔԻ ՎԱՐՉՈՒԹԻՒՆ